Справочники писателя, историка, энциклопедиста Леонида Морякова "Репрессированные общественные и культурные деятели Беларуси"
Главная » Справочники » Репрессированные православные священно- и церковно-служители Беларуси, 1917-1967. Т. II » Том II » МАЧУЛЬСКІ (МАЧУЛЬСКИЙ) Сергій
МАЧУЛЬСКІ (МАЧУЛЬСКИЙ) Сергій
[1878, в. Лаўрышава Навагрудскага пав. Мінскай губ., цяпер Навагрудскі р-н Гродзенскай вобл. — ?]. Беларус. Сын Мікалая Мачульскага* і, верагодна, брат Аляксандра Мачульскага. З 1909 служыў у Раства-Багародзіцкай царкве в. Панюшкавічы Бабруйскага пав. Мінскай губ., цяпер Бабруйскі р-н Магілёўскай вобл. З 1914 настаяцель Раства-Багародзіцкай царквы в. Аздзяцічы (тагачасны паштовы адрас: ст. Чарняўка) Барысаўскага пав. Мінскай губ., цяпер Барысаўскі р-н Мінскай вобл. Потым — ва Успенскай царкве в. Сморкі Барысаўскага пав. (з 1978 в. Зорычы Барысаўскага р-на). Арыштаваны ў 1920. Неўзабаве вызвалены. Адмовіўся ад сана. Працаваў настаўнікам у школе ў в. Сморкі. Зноў арыштаваны 18.3.1933. Асуджаны 10.5.1933 калегіяй АДПУ за «антысавецкую агітацыю» да 3 гадоў пазбаўлення волі. Далейшы лёс невядомы. Рэабілітаваны 26.4.1989 пракуратурай Мінскай вобл. Асабовая справа М. № 22819-с захоўваецца ў архіве КДБ Беларусі.
Кр.: Памятная книжка Минской губернии; НГАБ, ф. 2786, в. 1, с. 67; Синодик за веру и церковь Христову пострадавших в Минской епархии.
* Скончыў Мінскую духоўную семінарыю. На службе з 1873. Рукапаложаны ў іерэя (14.11.1879). Прызначаны настаяцелем Мікалаеўскай царквы в. Алексічы Рэчыцкага пав. Мінскай губ., цяпер Хойніцкі р-н Гомельскай вобл. 1.10.1881 пераведзены ва Успенскі храм в. Лаўрышава. Адначасова выкладаў Закон Божы ў?Лаўрышаўскім народным вучылішчы. Узнагароджаны набедранікам (1884).