МАРЧАНКА (МАРЧЕНКО) Данііл Сяргеевіч

[1898, с. Плешкані, цяпер Украіна — ?], святар. Беларус. З сялянскай сям’і. Служыў у Георгіеўскай царкве в. Балонаў Сялец Быхаўскага р-на Магілёўскай вобл., цяпер Быхаўскі р-н. Арыштаваны 2.4.1936. Асуджаны асобай нарадай пры НКВД 17.6.1937 за «антысавецкую контррэвалюцыйную дзейнасць» да 3 гадоў ППК. Далейшы лёс невядомы. Рэабілітаваны Вярхоўным судом БССР 29.11.1991. Асабовая справа М. № 14437 захоўваецца ў архіве УКДБ Магілёўскай вобл.

Кр.: НАРБ, ІКБР.