ЛЮДМІЛА (ПАЛЯНСКАЯ)

[1880, в. Гладкае Курскай губ. — ?]. Руская. З сялянскай сям’і. Да 1925 манахіня Спаса-Праабражэнскага манастыра ў Мінску. Потым прыхаджанка Мікалаеўскай царквы ў пас. Козырава. Арыштавана 17 або 27 крас. 1933 у Мінску па адрасе: Маляўскі зав., д. 28, кв. 2. Асуджана 13.8.1933 калегіяй АДПУ за «антысавецкую агітацыю» да 3 гадоў высылкі ў Паўночны край. Далейшы лёс невядомы. Рэабілітавана 12.6.1989 пракуратурай БССР. Групавая справа Л. і інш. № 24819-с захоўваецца ў архіве КДБ Беларусі.

Кр.: НАРБ, ІКБР; Синодик за веру и церковь Христову пострадавших в Минской епархии.