КУНЦЭВІЧ (КУНЦЕВИЧ) Пётр Радзівонавіч

[1877, в. Меркулавічы Рагачоўскага пав. Магілёўскай губ., цяпер Чачэрскі р-н Гомельскай вобл. — ?], царкоўнаслужыцель. Арыштаваны 9.9.1937 у Навабеліцы Магілёўскага р-на. Асуджаны тройкай НКВД 30.10.1937 да 10 гадоў ППК. Далейшы лёс невядомы. Рэабілітаваны 10.7.1988.

Кр.: Памяць. Гісторыка-дакументальная хроніка Гомеля. У  2  кн. Кн. 1-я. Мн., 1998.

КУПРЫЯНЕЦ (КУПРИЯНЕЦ) Касіян Іосіфавіч [1888 — ?], псаломшчык. З 1916 служыў у царкве в. Плоскае (?), цяпер Талачынскі р-н Віцебскай вобл. Арыштаваны і асуджаны ў 1931. Вызвалены ў 1939. З 1941 псаломшчык Пакроўскай царквы ў Талачыне. З 1965 за штатам.

Кр.: Архіў Мінскага епархіяльнага ўпраўлення, ф. 1, в. 2.