ДАНІЛОВІЧ (ДАНИЛОВИЧ) Іаан Гаўрылавіч

[1887, Рагачоў Магілёўскай губ., цяпер райцэнтр Гомельскай вобл. — 17.8.1943, ГУЛАГ], дыякан. Беларус. З сям’і царкоўнаслужыцеля. Скончыў духоўную семінарыю. Служыў у Барысаўскім Уваскрасенскім саборы. Арыштаваны 5.11.1938 у Барысаве па адрасе: вул. Камсамольская, д. 162. Асуджаны 5.8.1939 паводле пастановы калегіі НКВД за «антысавецкую дзейнасць» дa 8 гадоў ППК. Этапаваны ў Варкуцінскі канцлагер НКВД Архангельскай вобл. і Комі АССР Загінуў у зняволенні. Рэабілітаваны 18.7.1989 пракуратурай БВА. Асабовая справа Д. № 25675-с з фотаздымкам захоўваецца ў архіве КДБ Беларусі.

Кр.: НАРБ, ІКБР.