ХАРУНЖЫ Дзмітрый Кузьміч

[1919, в. Сямёнаўка, цяпер Клімавіцкі р-н Магілёўскай вобл. — ?], музыкант. З сялянскай сям’і. Атрымаў сярэднюю адукацыю. Арыштаваны 12.3.1945 у мяст. Семежава (?). Асуджаны пазасудовым органам НКВД 28.5.1946 за «здрадніцкія паводзіны ў перыяд нямецкай акупацыі» да 10 гадоў ППК, 5 гадоў пазбаўлення правоў з канфіскацыяй маёмасці. Этапаваны ў Каргапольскі канцлагер НКВД Архангельскай вобл. Вызвалены 30.8.1954. Рэабілітаваны судовай калегіяй па крымінальных справах Вярхоўнага суда БССР 27.8.1991. Асабовая справа Х. № 31829-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.