ЛЯЛІКАЎ Сяргей Ермалаевіч

[1908, в. Новая Беліца Аршанскага пав. Магілёўскай губ., цяпер Сенненскі р-н Віцебскай вобл. — ?], службовец. З бел. сялянскай сям’і. Атрымаў сярэднюю адукацыю. Ажаніўся, гадаваў дваіх дзяцей. Арыштаваны 29.12.1932. Асуджаны 15.4.1933 паводле пастановы калегіі АДПУ за «контррэвалюцыйную дзейнасць» да 3 гадоў ППК. Этапаваны ў адзін з паўночных канцлагераў. Зноў арыштаваны 7.2.1946 у Акмолінскай вобл., дзе працаваў агратэхнікам у калгасе «Новы быт». Асуджаны (хутчэй за ўсё, за «антысавецкую агітацыю») 25.3.1946 (тэрмін зняволення і далейшы лёс невядомы). Па першай справе № 12680-п (захоўваецца ў архіве УКДБ Віцебскай вобл.) рэабілітаваны Віцебскім абл. судом 12.10.1963.

Кр.: Хранить вечно.

Кр. геагр.: Рапановіч. Слоўнік геаграфічных назваў.