РОМАШ Антон Фёдаравіч

[1895, в. Чахец Пружанскага пав. Гродзенскай губ., цяпер Пружанскі р-н Брэсцкай вобл. — 27.4.1938, Масква, НКВД], службовец. З бел. сялянскай сям’і. Атрымаў сярэднюю адукацыю. Апошняе месца работы — эканаміст наркамата саўгасаў. Арыштаваны 3.2.1938 у Маскве па адрасе: вул. Новая Басманная, д.10, кв. 84. Асуджаны камісіяй НКВД і пракуратуры СССР 19.2.1938 за «шпіянаж на карысць Польшчы і ўтварэнне ў 1936 баявой тэрарыстычнай групы з польскіх перабежчыкаў» да ВМП. Расстраляны на палігоне НКВД «Аб’ект Бутава». Рэабілітаваны 26.11.1955. Асабовая справа Р. захоўваецца ў ДА РФ.

Кр.: Бутовский Полигон.

Кр. геагр.: Рапановіч. Слоўнік геаграфічных назваў.