РУБІН Арэст Андрэевіч

[1891, в. Папоўка Магілёўскага пав. Магілёўскай губ., цяпер Круглянскі р-н Магілёўскай вобл. — 1.12.1937, Ленінград, НКВД], службовец. З бел. сялянскай сям’і. У 1917 уступіў у ВКП(б). Апошняе месца работы — дырэктар канторы Маслапрам Любыцінскага р-на Ленінградскай вобл. Арыштаваны 23.6.1937 у Пушкіне Ленінградскай вобл. па адрасе: вул. Камінтэрна, д. 9, кв. 12. Выключаны з ВКП(б) у сувязі з арыштам. Асуджаны выязной сесіяй ваеннай калегіі Вярхоўнага суда СССР у Ленінградзе 1.12.1937 за «спробу правядзення тэрарыстычных актаў» і «ўдзел у контррэвалюцыйнай тэрарыстычнай арганізацыі» да ВМП. Расстраляны.

Кр.: Ленинградский мартиролог.

Кр. геагр.: Рапановіч. Слоўнік геаграфічных назваў.