ШАПІРА Абрам Навумавіч

[1889, Мазыp Мінскай губ., цяпер Гомельская вобл. — ?], навуковец. З купецкай сям’і. Атрымаў вышэйшую адукацыю. Падчас арышту дацэнт Мінскай скурна-венерычнай клінікі. Арыштаваны 26.11.1933 у Мінску па адрасе: вул. Бухаpына, д. 13, кв. 1. Асуджаны паводле пастановы калегіі АДПУ СССР 26.5.1934 як «член контррэвалюцыйнай падрыўной арганізацыі» да 3 гадоў пазбаўлення волі. Далейшы лёс невядомы. Рэабілітаваны судовай калегіяй Вярхоўнага суда БССР 27.7.1956. Асабовая справа Ш. № 6743-с захоўваецца ў архіве КДБ Беларусі.