ЛЯЎКОВА Ніна Уладзіміраўна

[18.2.1902, ст. Мураўёва, цяпер Латвія — ?], гісторык, жонка Максіма Ляўкова. З сям’і службоўца. Атрымала вышэйшую адукацыю. Уступіла ў ВКП(б). Працавала адказным сакратаром Інстытута гісторыі партыі пры ЦК ВКП(б)Б. Гадавала дваіх дзяцей. У 1936 выключана з ВКП(б) за «абарону свайго брата», абвінавачанага ў прыналежнасці да трацкістаў. Арыштавана 18.10.1937 у Мінску па адрасе: вул. Савецкая, д. 31. Асуджана асобай нарадай пры НКВД СССР 16.5.1938 як «жонка ворага народа» на 8 гадоў папраўча-працоўных работ. Этапавана ў Карагандзінскі канцлагер НКВД Казахскай ССР. Далейшы лёс невядомы. Рэабілітавана трыбуналам БВА 12.2.1957. Асабовая справа Л. № 9982-с захоўваецца ў архіве КДБ Беларусі.