ЖАБІНСКІ Іосіф Вікенцевіч

[студз. 1888, мяст. Смаpгонь Віленскай губ., цяпер райцэнтр Гродзенскай вобл. — 20.12.1937, Мінск, турма НКВД], службовец. Да арышту член ВКП(б), начальнік гpупы Беларускага ўпраўлення сувязі. Арыштаваны 20.10.1937 у Мінску па адрасе: вул. Пуліхава, д. 19, кв. 2. Асуджаны 19.12.1937 «тройкай» НКВД як «агент польскіх pазведоpганаў» да ВМП з канфіскацыяй маёмасці. Расстpаляны. Рэабілітаваны 12.10.1957 ваеннай калегіяй Вярхоўнага суда СССР. Асабовая справа Ж. № 10918-с захоўваецца ў архіве КДБ Беларусі.

29.7.1938 у Мінску па адрасе: вул. Пуліхава, д. 19, кв. 2 арыштавана краўчыха, маці траіх дзяцей, Жабінская Ванда Абрамаўна (н. 15.3.1893 у Сувальскай губ., цяпер Польшча), жонка Іосіфа Жабінскага. 8.10.1938 асобай нарадай пры НКВД асуджана як «член сям’і здрадніка радзімы» да 5 гадоў ППК і этапавана ў Цемнікоўскі канцлагер НКВД Мардоўскай АССР. Вызвалена 28.7.1943. Далейшы лёс невядомы. Рэабілітавана 12.2.1958 трыбуналам БВА. Асабовая справа Ж. № 9979-с захоўваецца ў архіве КДБ Беларусі.