ДУБРЫНСКІ Мацвей Яфімавіч

[1891, Кіеў — ?], службовец. З сям’і рабочага. Член ВКП(б). Да арышту кіраўнік справамі Кастрычніцкага раённага выканаўчага камітэта ВКП(б). Арыштаваны 21.8.1927 у Мінску па адрасе: вул. Камунальная, д. 27, кв. 12. Асуджаны 25.10.1927 калегіяй АДПУ за «неданясенне аб шпіянажы» да 5 гадоў ППК. Этапаваны ў Салавецкі канцлагер АДПУ Архангельскай вобл. Далейшы лёс невядомы.

30.8.1927 у Мінску па адрасе: вул. Камунальная, д. 27, кв. 12 арыштавана хатняя гаспадыня Дубрынская Вінцэнціна Казіміраўна (н. ў 1899 у мяст. Ракаў Мінскага пав., цяпер Валожынскі р-н Мінскай вобл.), жонка Мацвея Дубрынскага. 25.10.1927 за «неданясенне аб шпіянажы» асуджана да 3 гадоў ППК і этапавана ў Салавецкі канцлагер АДПУ. 25.10.1930 выслана на 3 гады ў Волагду (Расія). Далейшы лёс невядомы. Рэабілітавана разам з мужам 27.8.1991 пракуратурай БВА. Справа сям’і Д. і іншых № 31796-с захоўваецца ў архіве КДБ Беларусі.