БОХАН Соф’я Іванаўна

[15.9.1912, мяст. Койданава Мінскага пав., цяпер райцэнтр Дзяржынск Мінскай вобл. — ?], педагог. Атрымала сярэднюю адукацыю. Уступіла ў ВЛКСМ. Працавала настаўніцай у Дзяржынскай СШ. У 1930-я г. член ЦВК БССР, дэлегат VII Надзвычайнага з’езда Саветаў. Арыштавана 7.8.1937 у Дзяржынску па адрасе: вул. Кастрычніцкая, д. 68. Асуджана 21.10.1937 асобай нарадай пры НКВД за «сувязі з членамі ПАВ» да 10 гадоў папраўча-працоўных работ. Этапавана ва Ухта-Іжэмскі канцлагер НКВД Комі АССР. Вызвалена 26.2.1940. Рэабілітавана. Далейшы лёс невядомы. Асабовая справа Б. № 10890-с з фотаздымкам захоўваецца ў архіве КДБ Беларусі.

Кр. геагр.: Волости и важнейшие селения; Назвы населеных пунктаў.