БЕРЗІН Аўгуст Іванавіч

[1898, в. Сылдыбшас, цяпер Латвія — ?], навуковец. З сялянскай сям’і. Вышэйшую адукацыю атрымаў у 1920-я г. Падчас арышту дацэнт Горацкай сельскагаспадарчай акадэміі. Арыштаваны 11.8.1933 у Горках па адрасе: вул. Пеpшамайская, д. 7, кв. 3. Асуджаны «тройкай» НКВД 14.11.1933 як «член шпіёнска-дывеpсійнай арганізацыі «БНЦ» да 5 гадоў пазбаўлення волі. Вызвалены 21.10.1934. Далейшы лёс невядомы. Рэабілітаваны судовай калегіяй Вярхоўнага суда БССР 7.5.1956. Асабовая справа Б. № 5937-с захоўваецца ў архіве КДБ Беларусі.