АРЛОЎ Пётр Дзмітравіч

[1896, в. Палуж Чэрыкаўскага пав. Магілёўскай губ., цяпер Краснапольскі р-н Магілёўскай вобл. — ?], селянін-аднаасобнік, брат Васіля Арлова. З сялянскай сям’і. Атрымаў вышэйшую адукацыю. Ажаніўся. Арыштаваны ў канцы 1932 — пачатку 1933 у в. Палуж. Асуджаны паводле пастановы калегіі АДПУ СССР 5.10.1933 за «ўдзел ва ўзброенай контррэвалюцыйнай арганізацыі» да 8 гадоў пазбаўлення волі. Этапаваны ў Ніжне-Амурскі канцлагер НКВД Далёкаўсходняга краю. Вызвалены 6.10.1946. Далейшы лёс невядомы. Рэабілітаваны ваеннай калегіяй Вярхоўнага суда БССР 23.8.1956. Асабовая справа А. № 1980-сн захоўваецца ў архіве УКДБ Магілёўскай вобл.