ГАРАЎСКІ-ГРАКАЛА Адам Іванавіч

[16.1.1905, хут. Мурашкі Барысаўскага пав. Мінскай губ., цяпер Барысаўскі р-н Мінскай вобл. — 27.8.1937, Мінск, НКВД], навуковец, брат Вільгельма Гараўскага. З сям’і шляхціца. Атрымаў вышэйшую адукацыю. У 1930-я г. навуковы супрацоўнік БелАН. Арыштаваны 21.1.1937 у Мінску па адрасе: вул. Чыгуначная, д. 10. Асуджаны пракуратурай СССР 25.8.1937 да ВМП як «член контррэвалюцыйнай арганізацыі і вораг народа, які садзейнічаў шпіёнскай дзейнасці брата, аўтара шэрагу нацыянал-фашысцкіх твораў». Рэабілітаваны трыбуналам БВА 27.11.1958. Справа Г. № 13307-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.