ДРУЦКІ-ПАДБЯРЭСКІ Баляслаў

[1894, Лідчына — 1940, Вілейка ?, НКВД], літаратар, лексіколаг. Паводле адукацыі юрыст. Паходзіў з княжацкага роду. Захоплены бел. культурна-адраджэнскім рухам, у 1920-я г. досыць актыўна друкаваўся ў перыёдыцы — час. «Беларуская культура», «Беларускі радны», «Беларуская хата», газ. «Беларускае слова», «Беларускі дзень». Выступаў пераважна як байкапісец і аўтар гумарэсак у прозе. Пераніцоўваў на бел. мову класікаў-байкапісцаў. Вядомы выдавец Барыс Клецкін апублікаваў яго байкі, гумарэскі і сатыру асобнай кніжкай. Д.-П. падрыхтаваў і выдаў пад рэдакцыяй В.Грышкевіча першы бел.-польскі слоўнік. Займаўся краязнаўчым апісаннем Лідчыны. Арыштаваны органамі НКВД увосень 1939 у рэдакцыі газ. «Вілейская праўда», куды Д.-П. зайшоў як літаратар. Засведчыў гэты факт журналіст Вульф Сосенскі. У нетрах карнага ведамства загінуў без вестак.

Тв.: Байкі, гумар, сатыра. Сш. 1, 2. Вільня, 1928; Падручны беларуска-польскі слоўнік. Вільня, 1929.