ДАНЯЛЮК Аляксандр Пятровіч

[псеўданімы: Olda; Edmund Stefański; 30.11.1897, Варшава — лют. 1937 ?], паліт. дзеяч, публіцыст. У 1917 у Расіі, член Чугуеўскага рэўкама. У 1919 вярнуўся ў Польшчу. У 1921—23 сакратар акруговага камітэта Дамброўскага басейна КПП, член ЦК КП Усх. Галіцыі. Адзін са стваральнікаў КПЗБ. У 1924 кааптаваны ў ЦК, член Сакратарыята ЦК КПЗБ. Выступаў у друку з публіцыстычнымі матэрыяламі. Тройчы арыштоўваўся польскімі ўладамі. У 1930 у апараце Выканкама Камінтэрна. У 1931—35 у КП Румыніі: член ЦК і Палітбюро ЦК. З канца 1935 на гаспадарчай рабоце ў СССР. Арыштаваны ў лют. 1937; загінуў. Рэабілітаваны ў 1955.

Літ.: ЭГБ, т. 3.