МУДРЭЙКА Жан Янавіч

[1894, Баўск Курляндскай губ., цяпер Латвія – 22.4.1938, Мінск, турма НКВД]. З сям’і рабочага. Меў сярэднюю спецыяльную адукацыю. У 1919 ваяваў у складзе Чырвонай Арміі. Уступіў у ВКП(б). Да арышту працаваў загадчыкам дзіцячага дома інвалідаў у Чэpвені Мінскай вобл. Быў жанаты, меў двое дзяцей. Арыштаваны 25.12.1937. Выключаны з ВКП(б) у сувязі з арыштам. Асуджаны 13.1.1938 тройкай НКВД як “член антысавецкай арганізацыі” і за “контррэвалюцыйную дзейнасць” да ВМП. Расстраляны. Рэабілітаваны трыбуналам БВА 29.1.1959. Асабовая справа М. № 13771-с захоўваецца ў архіве КДБ Беларусі.