МІШКЕЛЬ Іван Іванавіч

[1914, Аўгустова Сувалкаўскай губ., цяпер Падляшскае ваяв., Польшча – ?]. З сялянскай сям’і. Атрымаў сярэднюю адукацыю. Працаваў настаўнікам школы в. Пагарэльцы Нясвіжскага р-на Мінскай вобл. Быў жанаты, гадаваў дзіця. Арыштаваны 8.1.1940. Асуджаны 23.7.1940 асобай нарадай пры НКВД за “антысавецкую агітацыю” да 8 гадоў ППЛ. Этапаваны ва Ухта-Іжэмскі лагер НКВД Комі АССР. Вызвалены 25.9.1941 як польскі грамадзянін. Далейшы лёс невядомы. Рэабілітаваны Пракуратурай БССР 26.6.1989. Асабовая справа М. і інш. № 25679-с з фотаздымкам захоўваецца ў архіве КДБ Беларусі.