КАХАНОЎСКІ Тадэвуш Юзэфавіч

[9.6.1904, в. Рагожна, Галіцыя, Аўстра-Венгрыя, цяпер Львоўская вобл., Украіна – ?]. З сям’і службоўца. Атрымаў сярэднюю адукацыю. Працаваў настаўнікам у Механічнай і гуманітарнай гімназіі ў Брэсце. Быў жанаты, гадаваў дзіця. Арыштаваны 26.11.1939 у Брэсце па адрасе: вул. Сабецкага, д. 3, кв. 2. Асуджаны 21.8.1940 тройкай НКВД за “антысавецкую агітацыю” і як “член контррэвалюцыйнай арганізацыі” да 8 гадоў ППЛ. Этапаваны ва Ухта-Іжэмскі лагер НКВД Комі АССР. Далейшы лёс невядомы. Рэабілітаваны 31.3.1989 УКДБ Брэсцкай вобл. Асабовая справа К. № 7453-с з фотаздымкам захоўваецца ў архіве УКДБ Брэсцкай вобл.