КАЗАКЕВІЧ Аліна Яўгенаўна

[1921, хут. Антанова Баранавіцкага пав. Навагрудскага ваяв., цяпер Баранавіцкі р-н Брэсцкай вобл. – ?]. З сям’і службоўца. Атрымала сярэднюю адукацыю. Працавала настаўніцай пачатковай школы в. Міцкавічы тагачаснага Гарадзішчанскага р-на Баранавіцкай вобл. (цяпер Баранавіцкі р-н). Падчас 2-й сусветнай вайны, верагодна, заставалася на акупаванай тэрыторыі. Арыштавана 25.12.1944. Асуджана 11.12.1946 пазасудовым органам МДБ за “антысавецкую агітацыю” да 6 гадоў ППЛ і 5 гадоў пазбаўлення правоў з канфіскацыяй маёмасці. Этапавана ва Ухта-Іжэмскі лагер НКВД Комі АССР. Вызвалена 16.3.1948. Далейшы лёс невядомы. Рэабілітавана пракуратурай Комі АССР 19.6.1992. Групавая справа К. і інш. № 10897-с з фотаздымкам захоўваецца ў архіве УКДБ Брэсцкай вобл.