ІВАНОЎ Міхаіл Гаўрылавіч

[1893, в. Гайдукі, цяпер тэрыторыя Лёзненскага р-на Віцебскай вобл. (вёска не існуе) – ?].
З сялянскай сям’і. Атрымаў вышэйшую адукацыю. У 1919–21 г. у Чырвонай Арміі. У 1930-я г. дырэктар няпоўнай СШ № 35 у Віцебску. Быў жанаты, меў двое дзяцей. Арыштаваны 28.4.1937 у Віцебску па адрасе: вул. Бязбожная, д. 4. Асуджаны 12.5 (або 7.8).1937 тройкай НКВД за “антысавецкую дзейнасць” да 10 гадоў ППЛ. Этапаваны ў Паўночна-Усходні лагер НКВД Хабараўскага краю. Вызвалены 28.4.1947. Далейшы лёс невядомы. Рэабілітаваны прэзідыумам Віцебскага абл. суда 11.12.1958. Асабовая справа І. № 3816-п захоўваецца ў архіве УКДБ Віцебскай вобл.