ЗАЛЕСКІ Браніслаў Мартынавіч

[1904, в. Гарадзечна Ашмянскага пав. Віленскай губ., цяпер Валожынскі р-н Мінскай вобл. – ?]. З сям’і службоўца. Атрымаў сярэднюю адукацыю. Працаваў загадчыкам маладзечанскай СШ № 1. Быў жанаты, гадаваў двое дзяцей. Арыштаваны 3.11.1939 у Маладзечне па адрасе: вул. Міцкевіча, д. 4. Асуджаны 5.7.1940 асобай нарадай пры НКВД за “антысавецкую агітацыю” да 3 гадоў ППЛ. Этапаваны ў Паўночна-чыгуначны лагер НКВД Комі АССР. Вызвалены 13.9.1941 як польскі грамадзянін. Далейшы лёс невядомы. Рэабілітаваны пракуратурай Мінскай вобл. 12.12.1989. Асабовая справа З. № 28777-с з фотаздымкам захоўваецца ў архіве КДБ Беларусі.