ЯЛЕНСКІ (ЕЛЕНСКИЙ) Міхаіл Антонавіч

[1882, в. Даўгаполле Гарадоцкага пав. Віцебскай губ., цяпер Гарадоцкі р-н Віцебскай вобл. — 30.10.1939, ГУЛАГ], вайсковец, педагог. Беларус. З сям’і свяшчэннаслужыцеля. Пасля сканчэння Віцебскай духоўнай семінарыі (1905), верагодна, служыў у Віцебску. Падчас 1-й сусветнай вайны і да Кастрычніцкага перавароту 1917 афіцэр у арміі. У 1930-я г. настаўнік Віцебскай СШ № 5. Арыштаваны 18.9.1937 у Віцебску па адрасе: вул. Урыцкага, д. 39. Асуджаны 28.9.1937 тройкай НКВД за «дзейнасць у складзе антысавецкай групы» да 10 гадоў ППК. Этапаваны ў Беламорска-Балтыйскі канцлагер НКВД Архангельскай вобл. Загінуў у зняволенні. Рэабілітаваны 28.7.1956 прэзідыумам Віцебскага абл. суда. Асабовая справа Я. захоўваецца ў архіве УКДБ Віцебскай вобл.

Кр.: НАРБ, ІКБР; БНДЦЭД.