ЮРКЕВІЧ (ЮРКЕВИЧ) Сімяон Андрэевіч

[1885, в. Чапліцы Слуцкага пав. Мінскай губ., цяпер в. Чаплічы Слуцкага р-на Мінскай вобл. — ?]. Беларус. З сялянскай сям’і. У 1920-я г. настаяцель Петра-Паўлаўскай царквы в. Навасёлкі Слуцкага пав., цяпер Капыльскі р-н Мінскай вобл. Быў жанаты, меў дзіця. Арыштаваны 26.10.1930. Асуджаны 11.1.1931 са святаром Яўгеніем Гаворскім асобай нарадай пры АДПУ за «антысавецкую дзейнасць» дa 5 гадоў ППК. Далейшы лёс невядомы. Рэабілітаваны 4.9.1989 пракуратурай БССР. Асабовая справа Ю. № 28031-с захоўваецца ў архіве КДБ Беларусі.

Кр.: НАРБ, ІКБР; БНДЦЭД.