ШЭБЕКА (ШЕБЕКО) Феадосій Аляксандравіч

[1867, в. Александрыя Аршанскага пав. Магілёўскай губ., цяпер Аршанскі р-н Віцебскай вобл. — ?]. Беларус. З духоўнага саслоўя. Да арышту псаломшчык царквы в. Новая Ельня Краснапольскага р-на Магілёўскай вобл. Арыштаваны 6.2.1930. Асуджаны 21.3.1930 тройкай НКВД за «антысавецкую агітацыю» да 3 гадоў высылкі ў Сібір з канфіскацыяй маёмасці. Далейшы лёс невядомы. Рэабілітаваны 24.11.1989 пракуратурай Магілёўскай вобл. Асабовая справа № 14264 захоўваецца ў архіве УКДБ Магілёўскай вобл.

Кр.: НАРБ, ІКБР; БНДЦЭД.