ШЧЭРБА (ЩЕРБА) Дзімітрый Якаўлевіч

[1881, в. Бяседавічы Клімавіцкага пав. Магілёўскай губ., цяпер Хоцімскі p-н Магілёўскай вобл. — ?], іерэй. Беларус. Скончыў духоўнае вучылішча. Служыў у Раства-Багародзіцкай царкве ў роднай вёсцы. Арыштаваны 27.12.1932. Асуджаны 1.9.1933 асобай нарадай пры АДПУ за «антысавецкую агітацыю» дa 10 гадоў ППК. Далейшы лёс невядомы. Рэабілітаваны 13.10.1989 Магілёўскай абл. пракуратурай. Асабовая справа Ш. № 10561-сн захоўваецца ў архіве КДБ Магілёўскай вобл.

Кр.: Памятная книжка Могилевской губернии.

[From the book: vol. II, pp. 442–443]