ЧЫСТАБАЕЎ (ЧИСТОБАЕВ) Лазар Елісеевіч

[1873, в. Капусціна Бабруйскага пав. Мінскай губ., цяпер Кіраўскі р-н Магілёўскай вобл. — ?], царкоўнаслужыцель. З сялянскай сям’і. Арыштаваны 10.2.1930 з прыхаджанамі (групавая справа № 10060; захоўваецца ў архіве КДБ Магілёўскай вобл.). 23.2.1930 асуджаны са святаром Парфёнам Скрыпуновым асобай нарадай пры АДПУ за «антысавецкую дзейнасць» дa ВМП. Расстраляны. Рэабілітаваны 8.6.1989 указам прэзідыума Вярхоўнага савета БССР.

Верагодна, былі рэпрэсаваны і сваякі Ч.

Кр.: НАРБ, ІКБР; БНДЦЭД.