ЧУДАКОВІЧ (ЧУДАКОВИЧ) Уладзімір Пятровіч

[1873, в. Хатовіж Клімавіцкага пав. Магілёўскай губ., цяпер Клімавіцкі р-н Магілёўскай вобл. — ?]. Беларус. Скончыў духоўную акадэмію, рукапаложаны ў іерэя. У 1920-я г. настаяцель Раства-Багародзіцкай царквы в. Галоўчыцы Чэрыкаўскага пав., цяпер Чэрыкаўскі р-н Магілёўскай вобл. Арыштаваны 29.10.1929. Асуджаны 15.12.1929 калегіяй АДПУ за «антысавецкую агітацыю» да 3 гадоў ППК. Далейшы лёс невядомы. Рэабілітаваны 6.6.1991. Асабовая справа Ч. № 15219 захоўваецца ў архіве УКДБ Магілёўскай вобл.

Кр.: НАРБ, ІКБР; БНДЦЭД.