ФЁДАР (БЕКАРЭВІЧ)

[11.8.1962 — жн. 1932, Чавусы], архіепіскап (абнаўленчы). Сын дыякана Ігнація Бекарэвіча, бацька Васілія Бекарэвіча і, верагодна, брат Афанасія Ігнаціевіча Бекарэвіча*. Скончыў Магілёўскую духоўную семінарыю (1886). Рукапаложаны ў іерэя, прызначаны настаяцелем Мікалаеўскай царквы в. Вуць Гомельскага пав. Магілёўскай губ., цяпер Добрушскі р-н Гомельскай вобл. (1887), адначасова выкладаў у жаночай царкоўна-прыходскай школе. З 1903 служыў у Георгіеўскім храме ў  Чавусах Магілёўскай губ., цяпер райцэнтр Магілёўскай вобл. З 1910 благачынны цэркваў 1-й акругі Чавускага пав. У 1913 аўдавеў. Узнагароджаны набедранікам, скуф’ёй, нагрудным крыжам, санам протаіерэя (1918). Ухіліўся ў абнаўленчы раскол (1922). 23.2.1923 у Маскве хіратанісаны ў епіскапа Магілёўскай епархіі (абнаўленчай). З чэрв. 1925 вікарны епіскап Чавускі, настаяцель Георгіеўскага храма. У 1927 узведзены ў сан архіепіскапа. У 1930 асуджаны за «затрымку выплаты падаткаў» да года зняволення. Пасля вызвалення атрымаў прызначэнне ў Оршу (снеж. 1931), але па стане здароўя на месца службы не выехаў.

Кр.: Памятная книжка Минской губернии; БНДЦЭД; Шиленок Д., свящ. Из истории Православной Церкви в Белоруссии (1922—1939). М., 2006.