СЯРПІНСКІ (СЕРПИНСКИЙ) Ігнацій Іосіфавіч

[1869, в. Бялавіна (Баранава) Веліжскага пав. Віцебскай губ., цяпер Смаленская (?) вобл. — ?], святар. Беларус. З сям’і свяшчэннаслужыцеля. Рукапаложаны ў іерэя (1891). Служыў у Спаса-Праабражэнскім храме ў мяст. Чашнікі Лепельскага пав. Віцебскай губ., цяпер райцэнтр Віцебскай вобл. Арыштаваны 24.11.1929. Асуджаны 13.1.1930 з шэрагам святароў Полацка-Віцебскай епархіі асобай нарадай пры АДПУ за «контррэвалюцыйную дзейнасць» дa 3 гадоў высылкі. Далейшы лёс невядомы. Рэабілітаваны 1.10.1993 пракуратурай Віцебскай вобл. Групавая справа С. і інш. № 23220-п захоўваецца ў архіве УКДБ Віцебскай вобл.

Кр.: Памятная книжка Витебской губернии.

[From the book: vol. II, p. 331]