СЛІЖ (СЛИЖ) Платон

[1903, в. Лоск Ашмянскага пав. Віленскай губ., цяпер Валожынскі р-н Мінскай вобл. — 19.4.1953, ГУЛАГ], протаіерэй. Беларус. Сын Вікенція Сліжа*. Скончыў Віленскую духоўную семінарыю, рукапаложаны ў іерэя (1926). Служыў у Спаса-Праабражэнскім храме в. Суцькава Ашмянскага пав. Віленскага ваяв., цяпер Смаргонскі р-н Гродзенскай вобл. З 1938 настаяцель царквы св. Іосіфа Абручніка ў Валожыне. З 1944 служыў у Спаса-Увазнясенскім храме, благачынны цэркваў Валожынскага р-на. Арыштаваны 27.4.1951 у Валожыне па адрасе: вул. Навагрудская, д. 1. Асуджаны 5.9.1951 са святаром Яўстафіем Баслыком, Паўлам Кірыкам асобай нарадай МДБ за «ўдзел у антысавецкай арганізацыі» да 10 гадоў ППК. Этапаваны ў Рачны канцлагер (Асоблаг № 6) МДБ Комі АССР (Варкута). Паводле некаторых звестак, забіты неўзабаве пасля вызвалення. Рэабілітаваны 28.11.1978 судовай калегіяй па крымінальных справах Вярхоўнага суда БССР. Групавая справа С. і інш. № 20622-с захоўваецца з фотаздымкам ў архіве КДБ Беларусі.

Кр.: БНДЦЭД; Синодик за веру и церковь Христову пострадавших в Минской епархии.