СКВЯРНЮК (СКВЕРНЮК) Мікалай Лукіч

[30.5.1906, Мінск — ?], святар Беларускай аўтаномнай праваслаўнай царквы (абнаўленчай). Беларус. З сям’і рабочага. Атрымаў сярэднюю або сярэднюю спецыяльную адукацыю. Служыў настаяцелем Мінскага Аляксандpа-Неўскага храма на Вайсковых могілках. Арыштаваны 5.8.1935 у Мінску па адрасе: вул. Інтэpнацыянальная, д. 9, кв. 1. Асуджаны 27.10.1935 са святарамі Мінскай епархіі Мікалаем Умецкім, Міхаілам Шафраноўскім і інш. паводле пастановы калегіі НКВД як «член контррэвалюцыйнай арганізацыі» і за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 26.7.1961 пленумам Вярхоўнага суда БССР. Групавая справа С. і інш. № 17146-с захоўваецца ў архіве КДБ Беларусі.

Кр.: НАРБ, ІКБР.