СЕРАФІМА ( ЕДЗІНОВІЧ )

[Антаніна Фёдараўна; 1894, в. Рудня Мінскага пав., цяпер Смалявіцкі р-н Мінскай вобл. — ?], схіманахіня. Беларуска. З сялянскай сям’і. Да арышту стараста Спаса-Праабражэнскай царквы ў Мінску. Арыштавана 17.12.1944 у  Мінску па адрасе: вул. К.Цэткін, д. 40. Асуджана 29.12.1945 паводле пастановы калегіі НКВД за «антысавецкую агітацыю» і «дапамогу архіепіскапу Філафею (Нарко) у арганізацыі царкоўнага жыцця падчас акупацыі» дa 5 гадоў ППК. Этапавана ў Паўночна-Уральскі канцлагер МДБ Свярдлоўскай вобл. Вызвалена 10.9.1949. Служыла псаломшчыцай пры Мінскім кафедральным саборы. Рэабілітавана 26.10.1962 судовай калегіяй па крымінальных справах Вярхоўнага суда БССР. Асабовая справа Е. № 17032-с захоўваецца ў архіве КДБ Беларусі.

Кр.: БНДЦЭД; Синодик за веру и церковь Христову пострадавших в Минской епархии.