РАЧКО Мікалай Іванавіч

[1885, хут. Новы Двор Гродзенскай губ. — ?]. Скончыў 3-класнае рэальнае вучылішча ў Навагрудку (1907), псаломшчыцка-пастырскія курсы пры Яблачынскім Свята-Ануфрыеўскім манастыры (1938). 15.7.1941 мітрапалітам Беларускім Панцеляіманам (Ражноўскім) у Жыровіцкім Успенскім манастыры рукапаложаны ў дыякана, 18.7.1941 — у іерэя і прызначаны ў Крыжаўздзвіжанскую царкву в. Войневічы, цяпер Дзятлаўскі р-н Гродзенскай вобл. З 24.12.1946 без месца. З 19.3.1947 другі святар Раства-Багародзіцкага храма ў Міжэвічах, цяпер Слонімскі р-н Гродзенскай вобл. Арыштаваны 9.8.1947. Далейшы лёс невядомы.

Кр.: Архіў Мінскага епархіяльнага ўпраўлення, ф. 1, в. 2.