ПАНЬКО Канстанцін Канстанцінавіч

[1886, маёнтак Новая Весь (?) Беластоцкага пав. Гродзенскай губ., цяпер тэрыторыя Польшчы — 1.10.1938, Мінск, турма НКВД], царкоўнаслужыцель Беларускай аўтаномнай праваслаўнай царквы (абнаўленчай). Беларус. 10.6.1914 прызначаны псаломшчыкам Крыжаўздзвіжанскага храма в. Аброва Пінскага пав. Мінскай губ., цяпер Іванаўскі р-н Брэсцкай вобл. У 1930-я г. служыў у адной з цэркваў Слуцка Мінскай вобл. Арыштаваны 4.3.1938. Асуджаны 20.9.1938 паводле пастановы калегіі НКВД як «агент цаpскай ахpанкі» і за «шпіянаж на карысць Польшчы» дa ВМП. Расстраляны. Рэабілітаваны 15.10.1959 тpыбуналам БВА. Асабовая справа П. № 14808-с захоўваецца ў архіве КДБ Беларусі.

Кр.: НАРБ, ІКБР.