НІКАЛАЕВІЧ (НИКОЛАЕВИЧ) Аляксандр Фядотавіч

[1870, Слуцкі пав. Мінскай губ. — ?]. Беларус. З сялянскай сям’і. Скончыў Мінскую (?) духоўную семінарыю. З 1904 настаяцель Спаса-Праабражэнскай царквы в. Турын Ігуменскага пав. Мінскай губ., цяпер Пухавіцкі р-н Мінскай вобл. Арыштаваны 12.12.1937. Асуджаны 31.12.1937 з Уладзімірам Зубковічам тройкай НКВД за «антысавецкую агітацыю» дa 10 гадоў ППК. Далейшы лёс невядомы. Рэабілітаваны 4.6.1956 калегіяй па крымінальных справах Вярхоўнага суда БССР. Асабовая справа Н. № 1972-с захоўваецца ў архіве КДБ Беларусі.

Кр.: Памятная книжка Минской губернии; Личный состав епархиального управления; НГАБ, ф. 2786, в. 1, с. 67.