ЛІЯРАНЦЭВІЧ (ЛИОРАНЦЕВИЧ) Фёдар Сямёнавіч

[1870, в. Беліца Рагачоўскага пав. Магілёўскай губ., цяпер Жлобінскі р-н Гомельскай вобл. — 22.4.1938, Магілёў, НКВД]. Беларус. З сям’і свяшчэннаслужыцеля. Скончыў Магілёўскую духоўную акадэмію. У 1910-я г. выкладчык і справавод Магілёўскага мужчынскага духоўнага вучылішча. Арыштаваны 2.3.1938. Асуджаны тройкай НКВД 14.3.1938 як «удзельнік контррэвалюцыйнай кулацкай арганізацыі» да ВМП з канфіскацыяй маёмасці. Расстраляны. Рэабілітаваны Магілёўскім абл. судом 2.9.1961. Групавая справа Л. і інш. № 7486-сн захоўваецца ў архіве УКДБ Магілёўскай вобл.

Кр.: Памятная книжка Могилевской губернии; НАРБ, ІКБР.