КУПРЭЕЎ (КУПРЕЕВ) Васілій Міхайлавіч

[1873, в. Ясенка Чэрыкаўскага пав. Магілёўскай губ., цяпер Краснапольскі р-н Магілёўскай вобл. — 9.10.1937, Магілёў (?), турма НКВД], царкоўнаслужыцель. Беларус. З сялянскай сям’і. Да арышту служыў у царкве ў роднай вёсцы. Арыштаваны 6.8.1937. Асуджаны 18.9.1937 са святаром Уладзімірам Ганчаровым тройкай НКВД за «антысавецкую агітацыю» дa ВМП. Расстраляны. Рэабілітаваны 27.7.1989 Магілёўскай абл. пракуратурай. Асабовая справа К. № 10227-сн захоўваецца ў архіве КДБ Магілёўскай вобл.

Кр.: БНДЦЭД.