КРАЎЗЭ (КРАУЗЕ) Лаўр Васілевіч

[1891, мяст. Краснаполле Чэрыкаўскага пав. Магілёўскай губ., цяпер райцэнтр Магілёўскай вобл. — 11.11.1937, Орша, турма НКВД], святар, настаўнік. Беларус. З сям’і службоўца. Скончыў Магілёўскую духоўную семінарыю (1913). Верагодна, служыў у адным з праваслаўных храмаў Магілёўскай або Віцебскай губ. Быў жанаты, гадаваў двое дзяцей. У 1930-я г. дырэктар школы ў пас. Барань Аршанскага р-на Віцебскай вобл. Арыштаваны 17.9.1937. Асуджаны 23.10.1937 тройкай НКВД за «шпіёнскую дзейнасць» да ВМП. Расстраляны. Рэабілітаваны трыбуналам БВА 14.7.1958. Асабовая справа К. № 7249-п захоўваецца ў архіве УКДБ Віцебскай вобл.

Кр.: БНДЦЭД.