КЛІНЦОЎ (КЛИНЦОВ) Герасім Маркавіч

[1866, в. Даманы Чавускага пав. Магілёўскай губ., цяпер Дрыбінскі р-н Магілёўскай вобл. — кастр. 1937 (?), Магілёў, турма НКВД]. Беларус. З сялянскай сям’і. Да арышту старшыня савета царквы ў роднай вёсцы. Арыштаваны ў 1937. Асуджаны 28.9.1937 тройкай НКВД за «контррэвалюцыйную дзейнасць» да ВМП. Расстраляны. Рэабілітаваны 9.4.1966 пастановай Магілёўскага абл. суда. Групавая справа К. і інш. № 9171 захоўваецца ў архіве УКДБ Магілёўскай вобл.

Кр.: БНДЦЭД.