КЛЕАПАТРА БУТРАМЕЕВА

[Ксенія Аляксандраўна; снеж. 1879 (?), в. Насовічы Гомельскага пав. Магілёўскай губ., цяпер Калінкавіцкі р-н Гомельскай вобл. — ?], манахіня. З сялянскай сям’і. З 1905 да закрыцця ў 1923 насельніца Іаанаўскага манастыра. Да лют. 1932 заставалася жыць у будынку манастыра. Арыштавана 17.2.1932. Асуджана 22.3.1932 да 3 гадоў ссылкі ў Сярэднюю Азію. Далейшы лёс невядомы.

Літ.: Санкт-Петербургской епархии Синодик.