КЕРНАЖЫЦКІ (КЕРНАЖИЦКИЙ) Васілій Сцяпанавіч

[1893, в. Даманавічы Мазырскага пав. Мінскай губ., цяпер Салігорскі р-н Мінскай вобл. — ?], медык, святар (?). Беларус. З духоўнага саслоўя. У 1911—12 вучыўся ў 4 класе Магілёўскай духоўнай семінарыі (скончыў каля 1914). У 1920-я г., верагодна, служыў у адным з храмаў Мінскай губ. У 1930-я г. працаваў фельдчарам-лабарантам у роднай вёсцы. Арыштаваны 2.11.1933. Асуджаны калегіяй АДПУ 23.2.1934 за «контррэвалюцыйную дзейнасць» да 5 гадоў ППК. Далейшы лёс невядомы. Рэабілітаваны трыбуналам БВА 5.5.1964. Групавая справа К. і інш. № 31445-с захоўваецца ў архіве КДБ Беларусі.

Кр.: НГАБ, ф. 2257, в. 1, с. 20; НАРБ, ІКБР.