КАВАЛЁЎ (КОВАЛЕВ) Аўраам Яўменавіч

[1888, в. Сялец Чавускага пав. Магілёўскай губ., цяпер Чавускі р-н Магілёўскай вобл. — ?], селянін-аднаасобнік. Беларус. З сялянскай сям’і. У 1920-я г. старшыня або член прыходскага савета адной з цэркваў Чавускага пав. Быў жанаты, гадаваў дачок Марыю (н. ў 1927), Лізавету (1931), сыноў Івана (1922), Мацвея (1925). Арыштаваны 15.4.1933. Асуджаны калегіяй АДПУ 9.6.1933 за «антысавецкую агітацыю» і як «удзельнік контррэвалюцыйнай царкоўна-паўстанцкай арганізацыі» да 5 гадоў ППК. Этапаваны ў Дзмітраўскі канцлагер АДПУ Маскоўскай вобл. Вызвалены 31.3.1937. Далейшы лёс невядомы. Рэабілітаваны пракуратурай БССР 17.7.1989. Групавая справа К. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.