ЗАНЬКО Антоній Людвігавіч

[1895, в. Вялікія Круговічы Слуцкага пав. Мінскай губ., цяпер Ганцавіцкі р-н Брэсцкай вобл. — ?], царкоўнаслужыцель. Беларус. З сялянскай сям’і. Служыў у Пакроўскай царкве ў мяст. Крывошын, цяпер Ляхавіцкі р-н Брэсцкай вобл. Быў жанаты, гадаваў двое дзяцей. Арыштаваны 23.4.1940. Асуджаны 30.6.1940 паводле пастановы калегіі НКВД за «сувязь з польскай паліцыяй» дa 8 гадоў ППК. Этапаваны ў Нарыльскі канцлагер НКВД Краснаярскага краю. Паводле некаторых звестак, у другой палове 1940-х г. вярнуўся на радзіму. Рэабілітаваны 30.6.1989 УКДБ Брэсцкай вобл. Асабовая справа З. № 8994-с з фотаздымкам захоўваецца ў архіве КДБ Брэсцкай вобл.

Кр.: БНДЦЭД.Ы