Reference books of the writer, historian and scientist Leanid Marakou "Repressed public and cultural figures of Belarus"
Index » Reference books » Repressed Orthodox clergymen and priests of Belarus, 1917-1967. Vol. I » Том I » ЗАБЛОЦКІ (ЗАБЛОЦКИЙ) Мікалай Фаміч
ЗАБЛОЦКІ (ЗАБЛОЦКИЙ) Мікалай Фаміч
[1867, Лепель Віцебскай губ. — ?], протаіерэй, верагодна, брат Льва Фаміча Заблоцкага* . Скончыў Казанскую духоўную семінарыю, рукапаложаны ў іерэя (1888). Служыў другім святаром Мікалаеўскага сабора ў Гарадку Віцебскай губ. Першы раз арыштаваны ў 1919. Абвінавачваўся ў «арганізацыі ўзброенага паўстання супраць савецкай улады». Асуджаны да 15 гадоў турэмнага зняволення. З 1942 служыў у Казанскім саборы г. Луга Ленінградскай вобл. Арыштаваны 3.5.1944. Пазасудовыя органы НКВД 77-гадовага святара прыгаварылі 26.6.1944 да 20 гадоў ППК і 5 гадоў пазбаўлення правоў. Далейшы лёс невядомы.
Кр.: Памятная книжка Витебской губернии; Санкт-Петербургской епархии Синодик; Афіцыйны сайт Віцебскай епархіі.
* Рукапаложаны ў іерэя (1886). Служыў ва Увазнясенскім храме мяст. Пышна Лепельскага пав. Віцебскай губ., цяпер Полацкі р-н Віцебскай вобл. З 1906—07 настаяцель Петра-Паўлаўскай царквы в. Стайкі Гарадоцкага пав. Віцебскай губ., цяпер Пскоўская вобл., Расія.