ЗАБЕЛА (ЗАБЕЛЛО) Васілій Васілевіч

[1890, в.  Зоры Чэрыкаўскага пав. Магілёўскай губ., цяпер Чэрыкаўскі р-н Магілёўскай вобл. — ?], святар. Беларус. Скончыў духоўную семінарыю, рукапаложаны ў іерэя. У 1920-я г. служыў у Крычаве Чэрыкаўскага пав. Быў жанаты, гадаваў сына Канстанціна (н. ў  1916), дачок Валянціну (1915) і Зою (1927). Арыштаваны 5.4.1933 у Крычаве па адрасе: вул. Мікалаеўская, д. 1. Асуджаны калегіяй АДПУ 9.6.1933 як «член контррэвалюцыйнай царкоўна-паўстанцкай антысавецкай арганізацыі» да 5 гадоў ППК. Далейшы лёс невядомы. Рэабілітаваны пракуратурай БССР 17.7.1989. Групавая справа З. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.