ЖУРАЎСКІ (ЖУРАВСКИЙ) Іакаў Львовіч

[1879, Невельскі пав. Віцебскай губ., цяпер Невельскі р-н Пскоўскай вобл., Расія — 1.11.1937, Ленінград, турма НКВД]. Беларус. Верагодна, брат Георгія Львовіча Жураўскага* . У пачатку 1900-х г. епархіяльны місіянер. 16.8.1906 прызначаны псаломшчыкам Магілёўскага Іосіфаўскага кафедральнага сабора. Рукапаложаны ў іерэя. У 1930-я г. служыў у царкве пры Серафімаўскіх могілках у Ленінградзе. Арыштаваны 5.10.1937 у Ленінградзе па адрасе: Старая Вёска, Ліпавая алея, д. 11, кв. 1. Асуджаны камісіяй НКВД і пракуратуры СССР 28.10.1937 за «шпіёнскую дзейнасць» да ВМП. Расстраляны.

Кр.: Памятная книжка Витебской губернии; Ленинградский мартиролог.